﻿Zabur 5
MINTADUWA DO MOKILIKUP

(Pemimpin)
! Bahagi di maangazad do kuaya. Anggaton do suling. Zabur di Daud.

(Jemaat)
O TUHAN, iningo no it ongoboros ku om iningo no i homu ku.

(Pemimpin)
O Kinoringan ku, Raja Ku,iningo no i gizak ku om tulungai oku no. Mintaduwa oku sid Dikau, O TUHAN;

(Jemaat)
hiza do sasarap, iningon Nu i dolou ku; i hiza di sumilau it addau, pasamba oku di piintaduwa ku, (parasamba'an ku.) om minud-inud dit ambat Nu.

(Pemimpin)
O Kinoringan, Ikau dino amu engin di gagama'on tara'at; amu Ko pabanal dit ulun tara'at do sid tinoguvangon Nu.

(Jemaat)
Amu ko kogo'os mimot dit ulun dot asavat o ginavo, om asana Ko di sokoviai it ulun di maangagama dot ara'at.

(Pemimpin)
Tonuson Nu i sokoviai it ulun dot ovudut, om usiba'on Nu it ulun dit oburongit om moomusing.

(Jemaat)
Topot gima tu i samod Nu dot agazo, kosuvang oku sid valai Nu. Kasamba oku sid Dikau sid saralom di valai Nu dot Osusi, om kosingkudou oku sumamba sid tinoguvangon Nu do mongohormat.

(Pemimpin)
O TUHAN, banalko ogumu i sangod ku; gazado oku no mangagama di kenginan Nu, om potuduko no i ralan Nu i vaza'an ku.

(Jemaat)
It ongoboros di sangod ku amu ikaharap; tu i pi'itung dioti ara'at banal; it ongoboros dioti kopoluk, topot noponu dot ara'at o tomodon.

(Pemimpin)
O Kinoringan, hukumo no yoti; posusao no yoti gima i netung dioti kondiri. Sunsubo no yoti sabap ogumu i kasala'an dioti, om susuma'ap yoti Dikau.

(Jemaat)
Harapon dot i sokoviai it ulun di sumunsud sid Dikau nga ohigak om mindolongoi dot otomon sampai penlaid. Likupai no yoti i manamod dikau, supaya banalko osinang yoti sabap Ikau.\fig 1,80,62 *Ongopakakas dot u'unizon (5:12)\fig*

(Semua)
O TUHAN, Ikau no o mamarakat dit ulun dot obinsuhut; samod Nu o mongolikup dioti do yadko kolig.

